15. nóvember 2009 22:17
Hópeflisferð númer #1
 |
Hr. Jóhann Breiðfjörð | Fyrsta hópeflisferð Brákar var farin til Reykjavíkur sunnudaginn 15.nóv. Meðlimum Bjsv. Oks og Bjsv. Heiðars ásamt fjölskyldum og velunnurum úr Bjsv.Kili var boðið með í ferðina. Sökum veðurs þurfti að fresta áður áætlaðri sjóstangaferð til vors. Í staðinn var farið í keilu í Keiluhöllinni, út að borða á Pítunni og farið í skoðunarferð um bækistöðvar Björgunarsveitarinnar Ársæls sem eru þrjár talsins.
 |
Spennan í hámarki í Keiluhöllinni | Alls mættu 14 fullorðnir og 3 börn í keilu þar sem liðunum var skipt eftir sveitum. Reyndar voru heldur fámenn lið frá öðrum sveitum en Bjsv.Brák, svo við að sjálfsögðu lögðum þeim lið. Það að vísu olli því að Brákarliðið varð fámennast en jafnframt barnfæst. Sameinað lið Bjsv.Kjalar og Bjsv.Brákar varð í fyrsta sæti, sameinað lið Bjsv.Oks, Bjsv.Heiðars og Bjsv.Brákar í öðru og hreinræktað Brákarlið í því þriðja. Sem sagt Bjsv.Brák skipaði sér í öll vinningssætinJ. Eftir 85 mínútur af meistaralegum keilutöktum var mannskapurinn orðinn glorhungraður og skellti sér á veitingastaðinn Pítuna þar sem gúffað var í sig góðum mat. Borgþór Hjörvarsson formaður Björgunarsveitarinnar Ársæls tók á móti okkur í Gróubúð, aðalbækistöðvum Ársæls og Slysavarnardeildar kvenna í Reykjavík. Gróubúð er bækistöð landflokks hjá Bjsv. Ársæli, leitarhóps, sjúkrahóps, undanfara, bílahóps, gæsluhóps, beltahóps, tæknihóps, nýliða- og nýbúahóps. Þar á eftir fór Borgþór með okkur í Sjóbúð sem er bækistöð fyrir Ásgrímshóp, áhöfn björgunarskips Reykjavíkur sem heitir Ásgrímur S. Björnsson. Að lokum lá leið okkar í Gaujabúð þar sem Borgþór sýndi okkur aðalbækistöðvar bátahóps, kafarahóps, rústahóps, ungliðadeildar og Slysavarnardeildarinnar Vörðunnar.
 |
Borgþór formaður með hópinn í Sjóbúð | Það var mjög gaman að skoða aðstöðuna og kynnast því hvernig Bjsv. Ársæll starfar og þökkum við fyrir það, einnig var ánægjulegt að sjá hversu mikið og gott starf er unnið þar
Smellið á myndir til að sjá þær stærri.
Til baka
|