Já nú er sko að koma sumar, apríl mánuður búin og mai mánuður tekin við.
Nóg var að gera hjá björgunarsveitini þennan mánuðin eins og undanfarna en hér verður farið stuttlega yfir það.
Byrjuðum við mánuðinn vel með aðalfundi þar sem stjórnin hélt, að mestuleiti allavega, Ásgeir datt út en Halla kom inn. Þegar sá slagur var búin gæddu gestir sér á Hnallþórum að hætti gjaldkerans, þó var útgjaldaliðurinn ekki hár miðað við stærðina á bakkelsinu.
Aðeins eitt útkall barst en það var verðmætabjörgun undir Hafnarfjalli þar sem flutningabíll fullur af makríl og smokkfiski valt og vantaði þar aðstoð við "löndun" úr bílnum. tók það vaska björgunarsveitamenn ekki nema rétt um 5 klst að hirða upp rúmlega 900 kassa af fiski.
Fiski-fjör!
Því til eftirfylgni fór unglingadeildin Litla-Brák í göngutúr með umsjónamönnum sínum. Réttara sagt tóku þau annan umsjónamanninn, hana Höllu, á milli sín í börur og skokkuðu með hana sem leið lá niður á Hyrnu þar sem þau fengu ís. Án efa duglegur hópur þar á ferð!
Galvaskir unglingar með Höllu
Farið var í eitt stykki fjölskylduferð þann 25. apríl og var staðurinn Lambastaðafjara. Þar var farið í krikket, grillaðar pylsur, byggðir sandkastalar og fundin upp ný íþrótt svo eitthvað sé nefnt. Voru allir sáttir við heimkomu þó eftir væri að kjósa.
Verðandi og núverandi björgunarsveitamenn
Lambastaðamótaröðin 2009
Að lokum er rétt að minnast á að tveir galvaskir meðlimir Brákar fóru í nettan labbitúr á gönguskíðum þar sem þeir skoðuðu leiðina upp á Skessuhorn, þessi skottúr varði í rúma 7 klukkutíma en komust þeir heim að lokum eldsprækir að vanda.
Þessi rataði upp...
En þessi niður
Þannig hljóðar nú apríl mánuður hjá Brák, vona að maí verði jafn góður ef ekki betri.
Þorgerður Bjarnadóttir
Til baka