Höfundar: Þorgerður Bjarnadóttir og Sigurborg Jónsdóttir

Lagt var af stað frá Péturborg kl 13:00, 16 mars. Farið var á báðum Toyotunum, Landcruser 70 og 105. Ókum við upp í Reykholt og hittum þar Ok menn og Heiðarsmenn. Þaðan hélt hópurinn upp á Langjökul en Björgunarfélag Akraness slóst í för með okkur við rætur jökulsins. Ferðin yfir Langjökul reyndist erfiðari en menn héldu í fyrstu. Það gekk mis vel að klifra upp á jökul vegna þess að það var svo mikið púður og sjórinn svo laus í sér. Hleypa þurfti úr dekkjum bílana beggja til að hægt væri að halda áfram. Ekki var nú gott skyggni uppi á jökli því að allt var hvít og menn sáu bara svart.

Meðal hraðinn var um það bil 5-10 km á klukkustund og tók ferðin inn að Hveravöllum alls 13 klukkutíma. Við lentum í ýmissum skemmtilegum atvikum á leið okkar að Hvaravöllum. Þar  á meðal fór einn vatnskassi og bíll rann ofan í dal sem leiddi af sér það að legan brotnaði. En það náðist að draga bílin  upp og við komust öll heil á höldnu inn á Hveravelli en vorum ekki komin þangað fyrr en um hálf 3, 3.
Þá fóru menn að finna sér koju og koma sér fyrir, og fá sér eitthvað í svangin. Svo fóru allir í háttin og það var að mestu komin ró um kl 4, hálf 5 fyrir utan Pétur sem hraut. Við fórum á fætur um kl 10 og þá var snæddur morgunverður og dagurinn skipulagður. Þaðan var haldið að útsýnisskífunni á Kili og þar var horft og myndað. Svo lá leið okkar þaðan inn í Kerlingafjöll og þar í kring. Á leiðinni aftur inn á Hveravelli vildi svo illa til að túrbínan í Patróli frá Akranesi eyðilagðist en það hægði nú ekki á þeim þennan daginn. Þegar heim á Hveravelli var komið var kveikt upp í grillunum og grillað. Þegar allir voru búnir að borða nægju sína fóru karlarnir út að reyna að bjarga bílunum. Um kveldið var svo haldið til lauganna og hrollinum náð úr sér en þar sem það var blindbylur fékk maður hroll um leið og maður fór upp úr. Lagt var af stað heim daginn eftir og fórum við norður af Kili. Ein bíll var skilin eftir uppi á Kili en 105 Landcruserinn okkar dró Patrólinn með biluðu
túrbínunni niður en hann var skilin eftir á sveitabæ á leiðinni. Komum við við á Hvammstanga og hittum Björgunarsveitina þar, fengum kaffi og kleinur og gerðum bílana tilbúna fyrir að fara yfir Holtavörðuheiðina sem var lokuð vegna veðurs. Þaðan var leiðinni heitið heim í Borgarnes en við fylgdum 2 Ford jeppum á 44'' dekkjum yfir heiðina að beiðni lögreglunnar. Það gekk frekar seinlega að fara yfir vegna þess að það sást ekki baun í bala því það var svo mikill bylur. Komum við heim um 8, hálf 9 að kveldi 18 mars og vorum öll þá frekar lúin. En allt í allt var þetta skemmtileg ferð og fólk lærði á bílana og erum við því hæfari til að takast á við verkefni sem okkur er falið.