Sunnudaginn 16. janúar barst tilkynning um að maður væri fótbrotinn í um 1000 metra hæð við Heiðarhorn, hæsta tind Skarðsheiðar.  

Þarna var á ferð hópur nýliða og annara félaga úr HSSR. Hópurinn bjó um manninn og var hann m.a. settur í ökklalið á staðnum en læknir var með í för.
Í framhaldi var sjúklingnum rennt og slakað niður brattar hlíðar Heiðarhorns, áleiðis niður í Skarðsdal og náði hópurinn að lækka sig með sjúklinginn um 160 metra í fjallinu áður en björgunarmenn úr byggð mættu hópnum. Vel gekk að flytja sjúklinginn niður Skarðsdalinn, og voru sérstakar hjólabörur notaðar til verksins sem létti verulega á flutningnum. Hált var og dimmt á fjallinu, en aðstæður að öðru leyti ágætar. Átta göngumenn fóru í útkallið frá Brák en í útkallið komu Björgunarsveitir af Akranesi, Borgarfirði og höfuðborgarsvæðinu, alls um 80 manns.

Sjá myndir frá ferð HSSR